Бор назарияси атом физикаси ривожланишига улкан ҳисса қўшиб, квант меҳаникасининг яратилишида ҳам муҳим қадамлардан бири бўлиб хизмат қилди. У водород ва водородсимон атомларининг спектрлари ва спектрал чизиқларнинг частоталарини ҳисоблашга имкон берган бўлса-да, бу чизиқларнинг интенсивлигини аниқлашга ва у ёки бу ўтишларнинг рўй беришига сабаб нималигини тушунтиришга ожизлик қилди.
Бор назариясининг жиддий инқирози, айниқса, энг содда элементлардан бири, водороддан бевосита кейинги элемент–гелий атомининг спектрини тушунтиришда муваффақиятсизликка учраганида намоён бўлди.
Академик лицейларнинг “Аниқ фанлар” йўналишида атом физикаси бўлимида водород атоми учун Бор назарияси муҳим мавзу ҳисобланади, физика ўқитувчисидан модда атомлари ҳақидаги дастлабки назарияни ўқувчиларга тушунтиришда замонавий педагогик технологияларнинг интерфаол усулларидан кенг фойдаланиш, ўқувчиларнинг қизиқишларини орттиради, модда тузилиши тўғрисидаги тасаввурларини кенгайтиради.