Atomning (elementning) valentligi ham kimyoning asosiy tushunchalari qatoriga kiradi. U elementlar atomlarining kimyoviy bogianishlar hosil qilish xususiyatlarini aks ettiradi. Ilgari bu kattalik ayni elementning bitta atomi birikadigan bir valentli elementning atomlar soni sifatida aniqlanar edi. Masalan, xlorid kislota HC1 da xlor bir valentli, suv H20 da kislorod ikki valentli, ammiak NH3 da azot uch valentli, metan CH4 da uglerod to‘rt valentli, PCL5 da fosfor besh valentli, SF6 da oltingugurt olti valentli, ReF7 da reniy yetti valentli, Xe04 da ksenon sakkiz valentli.
Valent elektronlarga, avvalo tashqi tugallanmagan pog'ona lardagi elektronlar kiradi. Lekin tashqaridagi ikkinchi pog'onaning (masalan, d- elementlar elektronlari), shuningdek, tashqaridan uchinchi pog'onaning (masalan, f- elementlarida) elementlari ham valent elektronlar bolishi mumkin.
Kimyoviy bog'lanish haqidagi ta’limot rivojlanishi bilan valentlik haqidagi tushunchalarning o‘zi ham o'zgaradi. Hozirgi vaqtda valentlik berilgan atom boshqa atomlar bilan birikkan kimyoviy bog'lanishlar soni sifatida aniqlanadi.
Atom hosil qila oladigan bog'lanishlar soni uning juftlashmagan elektronlari soniga teng. Eng oddiy hollarda element atomining valentligi ham unda umumiy elektronlar jufti hosil qilishga ketadigan juftlashmagan elektronlar soni bilan aniqlanadi. Bunda hosil bolgan bog'lanishlarning qutbliligi e’tiborga olinmaydi, shu sababli valentlikning ishorasi bo'lmaydi. Shuni ta’kidlab o'tish kerakki, bog'lanishlar soni sifatida aniqlanadigan valentlik, manfiy bolishi ham, nolga teng bolishi ham mumkin emas.
Valentlik kovalent kimyoviy bog'lanishlar, shu jumladan do nor-akseptorli mexanizm bo'yicha vujudga kelgan bog'lanishlar soni bilan o'lchanadi. Kovalent bog'lanish bo'lmaydigan birikmalarda atomlarning valentligi haqida gap yuritib bo'lmaydi, bunda oksidlanish darajasi haqida gapirish kerak. Anorganik kimyoda ko'pchilik hollarda atomning valentligi muayyanligini yo'qotadi: uning son qiymati birikmaning kimyoviy tuzilishini bilishga bog'liq bo'ladi.
Ko‘pchilik anorganik birikmalarning formulalariga qarab elementlarning valentligi haqida emas, balki ularning oksidlanish darajasi haqidagina fikr yuritish mumkin.