Tabiatdavatexnikadaeritmalar katta ahamiyatga ega. O'simliklar moddalarni eritmalar holida o'zlashtiradi. Ovqatning hazm bo'lishi oziq moddalarning eritmaga o'tishi bilan bog'liq. Tabiatdagi barcha suvlar eritmalar hisoblanadi. Muhim fiziologik suyuqliklar — qon, limfa va boshqalar eritmalardir. Ko'pchilik kimyoviy reaksiyalar eritmalarda boradi.
Eritmalar ikki yoki undan ko'p komponendar (tarkibiy qism- lar) va ularning o'zaro ta’sir mahsulotlaridan tarkib topgan bir jinsli (gomogen) sistemalardir.
Agregat holatiga ko'ra, eritmalar suyuq, qattiq va gazsimon bo'ladi.Suyuq eritmalariga misol tariqasida tuzlarning suvdagi eritmalarini ko'rsatish mumkin; qattiq eritmalarga nikel bilan misning qotishmasi (shulardan chaqa-tanga yasaladi)yoki oltin bilan kumushning qotishmasi misol bo'la oladi; gazsimon eritmalar— gazlarning aralashmalari, havo. Bular orasida eng katta ahamiyatga ega bo'lgan suyuq (suvdagi) eritmalardir.
Har qanday eritmaning muhim xarakteristikasi uning tar- kibidir.
Eritmalar tarkibini son bilan ifodalashning har xil usullari bor: erigan moddaning massa ulushi, molyar konsentratsiyasi va boshqalar.
Erigan moddaning massa ulushi — bu o‘lchamsiz fizik kattalik bo‘lib, erigan modda massasining eritmaning umumiy massasiga nisbatiga teng, ya’ni
Molyar konsentratsiya yoki molyarlik — bu erigan modda miqdorining eritmaning hajmiga nisbatiga teng kattalik.
1 litrida 1 mol erigan modda bor eritma molyar eritma deyiladi.
Agar 1 1 eritmada 0,1 mol modda bo'lsa, bu eritma detsimolyar,0,01 mol bo'lsa, santimolyar, 0,001 mol bo'lsa, millimolyar eritma deyiladi. Eritmaning molyarligi odatda M harfi bilan belgilanadi. Masalan, 1M NaOH — natriy gidroksidning molyar eritmasi, bunday eritmaning 1 litrida 1 mol modda yoki 1 mol-40 g/mol-=40 gNaOH bo‘ladi; 001 M NaOH— santimolyar eritma, uning 1 litrida 0,01 mol, ya’ni 0,01-40 g=0,4 g NaOH bo'ladi va h.k. Masalan, natriy gidroksidning detsimolyar eritmasini tayyorlash uchun undan tarozida 4 g tortib olish, 1 litrga teng aniq hajmi belgilab qo'yilgan litrli o'lchov kolbasiga solish modda bata- mom eriguncha distillangan suv quyish va so'ngra eritma hajmini belgigacha yetkazish lozim.